എസ്.എസ്.എല്‍.സി. ബുക്കിലെ തെറ്റുകള്‍ തിരുത്താനും ഡ്യൂപ്ലിക്കേറ്റ്ബുക്ക് നേടാനും അദാലത്ത് 21ന്

കണ്ണൂര്‍: വിദ്യാഭ്യാസ വകുപ്പിന്റെ നേതൃത്വത്തില്‍ എസ്.എസ്.എല്‍.സി. ബുക്കിലെ തെറ്റുകള്‍ തിരുത്താനും വിവരങ്ങള്‍ കൂട്ടിച്ചേര്‍ക്കാനും ബുക്ക് നഷ്ടപ്പെട്ടവര്‍ക്ക് ഡൂപ്ലിക്കേറ്റ് എസ്.എസ്.എല്‍.സി. ബുക്ക് നേടാനും 21ന് കണ്ണൂര്‍ മുനിസിപ്പല്‍ സ്‌കൂളില്‍ അദാലത്ത് നടത്തും. രാവിലെ 10ന് അദാലത്ത് മന്ത്രി പി.കെ.അബ്ദുറബ്ബ് ഉദ്ഘാടനം ചെയ്യുമെന്ന് സംഘാടകര്‍ പത്രസമ്മേനത്തില്‍ അറിയിച്ചു.

എസ്.എസ്.എല്‍.സി. പരീക്ഷ പാസ്സായി 15 വര്‍ഷത്തിനകമുള്ളവരുടെ പരാതികളാണ് അദാലത്തില്‍ സ്വീകരിക്കുക. ജനനത്തീയതി തിരുത്തുന്നതിനുള്ള അപേക്ഷ, ഡൂപ്ലിക്കേറ്റ്ബുക്കിനുള്ള അപേക്ഷ, മറ്റു തെറ്റുകള്‍ തിരുത്തുന്നതിനുള്ള അപേക്ഷ എന്നിവ അദാലത്തില്‍ സ്വീകരിച്ച് ഇവ ക്രോഡീകരിച്ച് പൊതുവിദ്യാഭ്യാസ ഡയറക്ടര്‍ക്ക് അയച്ചുകൊടുക്കും. പരാതികള്‍ക്ക് ഒരു മാസത്തിനകം തീര്‍പ്പാക്കി അതത് സ്‌കൂളുകളിലെ പ്രധാനാധ്യാപകര്‍ക്ക് എത്തിച്ചുകൊടുക്കും.

പരാതിക്കാരുടെ അപേക്ഷകള്‍ അവരവര്‍ പഠിച്ച സ്‌കൂളിലാണ് നല്‍കേണ്ടത്. പ്രധാനാധ്യാപകന്‍ സാക്ഷ്യപ്പെടുത്തിയ അപേക്ഷ അതത് ഉപജില്ലാ ഓഫീസുകളില്‍ ക്രോഡീകരിച്ച് അവിടെനിന്ന് പ്രേരക്മാരാണ് ഇവ അദാലത്തില്‍ എത്തിക്കുക. ഇതിനുള്ള അപേക്ഷാഫോറം ബന്ധപ്പെട്ട എല്ലാ സ്‌കൂളുകളിലും ലഭിക്കും. കൂടാതെwww.keralapareekshabhavan.in എന്ന വെബ് സൈറ്റിലും ലഭിക്കും. കണ്ണൂര്‍ റവന്യൂ ജില്ലയിലെ സ്‌കൂളുകളില്‍ പഠിച്ചവരുടെ പരാതികളാണ് അദാലത്തില്‍ പരിഗണിക്കുക. അദാലത്ത് സംബന്ധിച്ച വിവരങ്ങള്‍ക്ക് ഓരോരുത്തരും അവരവര്‍ പഠിച്ച വിദ്യാലയത്തിലെ പ്രധാനാധ്യാപകനെ ബന്ധപ്പെടണം.

If you enjoyed this post and wish to be informed whenever a new post is published, then make sure you subscribe to my regular Email Updates. Subscribe Now!

Kindly Bookmark and Share it: